Alfa Romeo täze sportkarynyň suratlaryny paýlaşdy

  • 03.08.2023 14:13
  • 8.9k+

«Alfa Romeo» italýan kompaniýasy 30-njy awgustda täze sport awtoulagyny tanyşdyrar. Bu barada motor1.com habar berýär.

Kompaniýa täze ulagyň suratyny paýlaşdy. Suratda ulagyň dolandyryş rulunyň bir bölegi görünýär. Täze ulagyň kysymy heniz mälim edilmedi, emma onuň «6C» diýlip atlandyrylyp bilinjekdigi bellenilýär. Ol kuwwaty 800 at güýjüne deň bolan hereketlendiriji bilen üpjün ediler.
Bu ulagdan bary-ýogy 33 nusga öndüriler. Şonuň bilen birlikde, olaryň ählisi eýýäm geljekki eýeleri tarapyndan satyn alyndy. «Alfa Romeo» kompaniýasynyň täze ulagynyň bahasynyň 1 mln dollara deň boljakdygy bellenilýär. Bu baha onuň çak edilýän bäsdeşi «Maserati MC20» ulagynyňkydan 5 esse gymmatdyr.

düýn 10:29
8k+

BMW million kilometre barabar ýol geçen 5 Series E39 modelini görkezdi

BMW Blog web saýty 1996-njy ýylyň 10-njy iýunynda çykan we Finlýandiýada hasaba alnan BMW 5 Series E39 sedany barada habar berdi. Bu awtoulagyň odometri 940 müň 503 kilometr görkezýär. Blogda bellenilişi ýaly, awtoulag ýylda ortaça 35 müň kilometr ýol geçipdir...

12.06.2025 22:05
3.7k+

Jaguar içinden ýandyrylýan hereketlendiriji bilen soňky awtomobilini çykarar: ol 60 nusga bilen çäklener

Jaguar içinden ýandyrylýan hereketlendiriji bilen soňky awtomobilini çykarar diýip, Carscoops habar berýär. Bu F-Pace SVR 575 Ultimate Edition krossoweriniň çäkli toplumy bolup, bary-ýogy 60 nusga hödürlener. Olar diňe Awstraliýa üçin niýetlenýär...

11.06.2025 13:59
2.8k+

Manhart awtobezeg ussahanasy Porsche 911 Turbo S-iň kuwwatyny 1000 at güýji töweregi ýokarlandyrdy

BMW awtoulaglaryna niýetlenen taslamalary bilen tanalýan nemes Manhart týuning-atelýesi Porsche 911 Turbo S-iň 992 nesli üçin üýtgeşmeler toplumyny hödürledi. Täze sazlaýyş bukjasyna TR 900 II diýilýär. Onuň kömegi bilen 3,8 litrlik oppozit hereketlendirijisiniň güýji 650-den 922 at güýjüne, torky 800-den 1090 Nm-a çenli ýokarlandy...

11.06.2025 13:53
3.6k+

BMW iýul aýyndan başlap täze awtoulaglarynyň bahasyny galdyrar

BMW 2025-nji ýylyň 1-nji iýulyndan başlap 2026-njy ýylyň model hataryndaky awtoulaglarynyň hemmesiniň diýen ýaly bahasyny galdyrar. Muňa diňe käbir modeller degişli bolmaz diýip, awtoulag öndürijisiniň dilerler üçin içerki habaryna salgylanýan CarsDirect habar berýär...