Türkmenistanda Ýaşlar baýragyna hödürlemek üçin resminamalar kabul edilip başlandy

  • 02.08.2023 12:19
  • 9.6k+

Türkmenistanda Ýaşlar baýragyna hödürlemek boýunça resminamalar kabul edilip başlandy. Bu baradaky degişli bildiriş «Nesil» gazetinde neşir edildi.

Bellenilişi ýaly, baýraga döredijilik we zähmet işinde üstünlikleri gazanan, ýokary guramaçylyk ukybyna we kärdeşleriniň, deň-duşlarynyň arasynda uly hormatdan peýdalanýan 16 – 35 ýaş aralygyndaky ýaşlar dalaş edip biler.
Ýaşlar baýragy jemgyýetçilik işine işjeň gatnaşýan ýaşlary höweslendirmek maksady bilen, Türkmenistanyň Magtymguly adyndaky Ýaşlar guramasynyň Merkezi geňeşi tarapyndan ýylda bir gezek berilýär. Bu baýraga hödürlenýän ýaşlaryň resminamalary şu ýylyň 15-nji sentýabryna çenli kabul edilýär.

  • — 3x4 ölçegli 6 sany surat, maglumatnama, we pasportynyň nusgasy;
  • — Eýe bolan diplomlary, hormat hatlary, resmi metbuagatda çap bolan işleriniň asyl nusgalary we telewideniýede eden çykyşlarynyň ýazgylary;
  • — Iş ýa-daokaýan ýerinden, hödürlenýän jemgyýetçilik guramasyndan häsiýetnama;
  • — Magtymguly adyndaky Ýaşlar guramasyna agzalyk şahadatnamasy.

Ýaşlar baýragyna hödürlenen dalaşgärleriň resminamalary Ýaşlar guramasynyň Merkezi geňeşi tarapyndan öwreniler. Onda ýeňiji bolanlar resmi metbugatda çap edilip, guramanyň degişli şahadatnamasy we gymmat bahaly sowgatlary bilen sylaglanar. Türkmenistanyň Ýaşlar baýragy bilen 2021-nji ýylda 60 adam, geçen ýyl hem 75 adam sylaglanypdy.

Habarlaşmak üçin telefon belgileri:
44-88-79, 44-88-85.


düýn 19:03
1k+

Aşgabatda Bitarap Türkmenistan şaýoly boýunça ulaglaryň hereketi dolulygyny dikeldildi

Aşgabatda Bitarap Türkmenistan şaýolunyň Atamyrat Nyýazow we Arçabil şaýollarynyň çatrygynyň aralygyndaky ulaglaryň hereketi doly dikeldildi. Bu barada Aşgabat şäher häkimligi habar berýär. Öň, bu bölek 6-njy awgustdan başlap, Türkmenistanyň hemişelik Bitaraplygynyň 30 ýyllyk dabaralaryna taýýarlygyň çäklerinde giň möçberli abadanlaşdyryş işleri üçin bölekleýin ýapylypdy...

düýn 18:56
331

Türkmenistan Astrahan bilen bilelikdäki ulag-logistika taslamalary maslahatlaşdy

Türkmenistanyň wise-premýeri M.Çakyýew Russiýa Federasiýasynyň Astrahan oblastynyň hökümetiniň başlygy Denis Afanasýewiň ýolbaşçylygyndaky wekiliýet bilen duşuşdy. Duşuşykda «Demirgazyk — Günorta» ulag geçelgesiniň çäginde bilelikdäki taslamalaryň durmuşa geçirilmegi ara alnyp maslahatlaşyldy...

düýn 18:24
371

2026-njy ýylda GDA-nyň Hökümet Baştutanlarynyň Geňeşiniň nobatdaky mejlisi Türkmenistanda geçiriler

29-njy sentýabrda Minskide Garaşsyz Döwletleriň Arkalaşygynyň Hökümet Baştutanlarynyň Geňeşiniň nobatdaky mejlisi geçirildi. Oňa Türkmenistandan wise-premýer Hojamyrat Geldimyradow wekilçilik etdi. Mejlisde ykdysady...

düýn 18:18
283

Türkmenistanyň wekiliýeti Barselonada ÝUNESKO-nyň MONDIACULT - 2025 maslahatyna gatnaşýar

Türkmenistanyň wekiliýeti Ispaniýanyň Barselona şäherinde ÝUNESKO-nyň Medeni syýasat we durnukly ösüş boýunça bütindünýä maslahaty (MONDIACULT-2025) geçirilýär. 29-njy sentýabr – 1-nji oktýabr aralygynda dowam edýän maslahatda türkmen wekiliýetine daşary işler ministriniň orunbasary Mähri Bäşimowa ýolbaşçylyk edýär...