Awstraliýaly Molli O’Kallahan ýüzmek boýunça dünýä çempionatynda 200 metr aralyga erkin usulda ýüzmekde altyn medalyny dünýä rekordy bilen gazandy.
Ýüzüji türgen bu aralygy 1 minut 52,85 sekundda geçdi. Ozalky dünýä rekordy 1 minut 52,98 sekund bilen Federiko Pellegrinä degişlidi we ony 2009-njy ýyldan bäri hiç kim täzeläp bilmändi.
19 ýaşly Molli O’Kallahan birnäçe baýraklaryň eýesidir. Ol 2021-nji ýyldaky Olimpiýa oýunlarynda 4х100 metr aralyga erkin usulda ýüzmek boýunça estafeta ýaryşynda ýeňiş gazandy, Tokioda geçirilen oýunlarda 4х200 metr aralyga erkin usulda ýüzmek boýunça estafeta ýaryşynda bürünç medala mynasyp boldy. Şeýle hem ol 2022-nji ýylda Awstraliýanyň Ýüzmek sporty federasiýasy tarapyndan iň gowy türgen diýlip yglan edildi we degişli baýrak bilen sylaglandy.
