Baş keşpde Margo Robbi bilen “Barbi” filmi ilkinji uikendde amerikan prokatynda 155 mln dollar gazandy, bu ýylyň dowamynda iň gowy başlangyçdyr diýip, forbes.kz habar berýär.
Greta Gerwigiň “Barbi” filmi ýene bir rekordy goýdy – bu taryhda zenan tarapyndan surata düşürilen filmiň iň gowy başlangyjy. Öň rekord Anna Boden we Raýan Flek tarapyndan surata düşürilen “Kapitan Marwele” degişlidi, bu film ilkinji dynç günleri öý prokatynda 153 mln dollar gazandy.
Kristofer Nolanyň “Oppengeýmeri” ABŞ-da ilkinji uikendde 80,5 mln dollar ýygnady. Şeýlelik bilen, Gerwigiň kartinasy “Barbingeýmerde” – bir günde çykan iki filmiň göreşinde tomaşaçy ünsi üçin ýeňiş gazandy.
Halkara prokatynda “Oppengeýmeriň” ýygymy ýene 93,7 mln dollar boldy, umumy alanyňda, kartina ilkinji dynç günleri 174,2 mln dollar gazandy. “Barbi” dünýä prokatynda 300 mln dollar ýygnady.
Iki filmiň hem üstünligi netijesinde bu uikend amerikan kinoprokatynyň taryhynda iň gowularyň biri boldy. Gowy girdeji ýygymlary kinoteatr torlaryna optimizm getirdi, olar üçin bu tomus gowşak bolupdy – Amerikada petekleriň satuwy, premýeralaryň köpdügine garamazdan, geçen ýyl bilen deňeşdirilende pesdi.
