Kondisioneriňiz döwüldimi, santehnik gerekmi, öýi arassalamak üçin adam tutmak isleýärsiňizmi ýa-da ýene-de şuňa meňzeş işleriňiz barmy? Bu işleri ýerine ýetirjek, galyberse-de, amatly bahadan ýerine ýetirjek adamlary gözlemäge bolsa wagtyňyz ýokmy? «Gyzyl eller» ykjam goşundysy munuň aňsat ýoluny hödürleýän Türkmenistanda ilkinji ulgamy döretdi.
Goý, hünärmenleriň, ussalaryň özi size ýüz tutsun! Size diňe edilmeli işi ýazyp, bildiriş goýmak ýeterlik (gerek bolsa, özüňize laýyk nyrhy hem ýazyp bilersiňiz). Bildiriş ýazanyňyzdan soň, tejribeli hünärmenler Size teklip bilen ýüzlener. Size özüňize laýyk geljek teklibi saýlap, şol hünärmene jogap beräýmek galýar.
«Gyzyl eller» ykjam goşundysy müşderiler üçin öz şäherinden gysga wagtda we amatly bahadan ussalary ýa-da hünärmenleri tapmaga, ussalar üçin bolsa özlerine laýyk ýumşy saýlap, olary ýerine ýetirip, gazanç etmäge mümkinçilik berýär. Netijede iki tarap hem utuşda bolýar.
ÝUMUŞ NÄDIP DÖRETMELI?
Ilki bilen ulgama GIRIŞ etmeli. Ondan soňra etmeli işiň görnüşini saýlap, onuň ýerini, wagtyny, gysga we doly beýanyny görkezip ÝUMUŞ döretmeli. Siziň ýumşuňyzy görüp, ulgamdaky hünärmenler size öz tekliplerini, bahalaryny, amatly wagtyny ýazyp hödürlärler. Siz diňe olaryň içinden hünärmeniň reýtingine, tejribesine, beren nyrhyna görä, amatlysyny saýlap bilersiňiz. Iş ýerine ýetirilenden soň, ussa seslenme we baha bermegi unutmaň.
Ulgamda dürli kategoriýalar göz öňünde tutulan: gurluşyk-abatlaýyş işler, santehnikler we elektrikler, dizaýn hyzmatlar, tehnikalary bejermek, tikinçilik we ussaçylyk, tämizçilik hyzmatlar, kompýuter hyzmatlary, ýük daşamak we göçmek, awtoulaglary bejermek, toý we banket hyzmatlary, okuw we repetitorçylyk, ýuridiki we buhgalterçilik hyzmatlar, gözellik hyzmatlar, eltip bermek hyzmatlar we beýlekiler.
HYZMAT TÖLEGLIMI?
Ýumuşlary döretmek, ussalardan teklipleri almak we olary saýlamak üçin müşderiden töleg alynmaýar, ýagny müşderiler üçin öz ýumuşlaryny ýazyp goýmak MUGT. Töleg diňe ussalar ykjam goşundynyň üsti bilen ýumuş alanlaryndan soň, ussalaryň hasabyndan alynýar. Hünärmenler we ussalar «Gyzyl eller» ulgamynda öz profilini döredip, dürli ýumuşlary ýerine ýetirip, goşmaça gazanç edip bilerler.
Agza bolan her ussa 200 şaý (manat) möçberde bonus berilýär.
«Gyzyl eller» ulgamynyň mümkinçilikleri barada has giňişleýin bilmek hem-de hyzmatdan peýdalanmak üçin saýta girip bilersiňiz: gyzyleller.com.tm
Ykjam goşundyny Play Market-den we AppStore-den şu salgylardan ýükläp alyň!
