Taryhdaky iň gymmat Barbie gurjagy Christie's auksion öýünde 302,5 müň dollara satyldy. Bu barada NY Post habar berýär.
Şeýle ýokary baha gurjagyň hakyky we gaty seýrek gülgüne göwher, bir karat ölçegli monjuk dakynandygy bilen baglanyşykly. Barbie üçin özboluşly bezeg şaý-sepi awstraliýaly zergär Stefano Kanturi tarapyndan döredildi. Gurjakdan alnan girdejiniň Süýt mäzleriniň rak keseli gaznasyna berlendigi bellenilýär.
“Şu wagta çenli iň gymmat Barbini satyp bilendigimize begenýäris. Satyjynyň girdejisiniň hemmesini Süýt mäzleriniň rak keseli gaznasyna bagyşlandygyna begenýäris "- diýip, Christie's Americas-yň prezidenti Bonni Brennan NY Post gazetine beren interwýusynda aýtdy.
Neşiriň žurnalistleri Greta Gerwigiň täze “Barbie” filminiň töweregindäki şowhun sebäpli tutuş Amerikany dolap alan “barbimania” netijesinde gurjagyň bahalarynyň ep-esli ýokarlanandygyny bellediler. Şeýlelikde, 1959-njy ýylda çykan we şol wagt bary-ýogy 3 dollara duran ilkinji Barbie gurjagy indi eBay platformasynda 25 000 dollara satylýar.
Ilkinji Barbie gurjagyny 1945-nji ýylda amerikaly işewür aýal Rut Hendler döredipdi. Rut adamsy bilen Mattel oýunjak kompaniýasyny esaslandyrdy we gurjaga gyzy Barbaranyň dakypdy.
