Awstraliýaly ýüzüji Ariarne Titmus ýekşenbe güni 400 metr aralyga erkin usulda ýüzmekde täze dünýä rekordyny goýdy.
Awstraliýaly türgen Ýaponiýanyň Fukuoka şäherinde geçiriljek suw sporty boýunça dünýä çempionatynda jemleýji ýüzüşde birinji boldy. Netijesi 3 minut 55,38 sekunt boldy. Ikinji orny amerikaly Keti Ledeki (3,35 sekunt yza galdy), üçünji orny täze zelandiýaly Erika Feýrwezer (+4,21) eýeledi.
Öňki dünýä rekordy kanadaly Sammer Makintoşa (3.56,08) degişlidi we ol ony 2023-nji ýylyň mart aýynda Kanadada geçirilen ýaryşda goýupdy. Fukuokada geçirilen dünýä çempionatynda Makintoş dördünji orny eýeledi (+4,56).
Awstraliýanyň ýygyndy topary 4x100 aralygy erkin usulda ýüzmekde 3 minut 27,96 sekunt wagt bilen dünýä rekordyny goýdy. Ozal bu rekord awstraliýaly türgenlere-de degişlidi (3.29,69).
Titmus 22 ýaşynda, 200 we 400 metr aralyga erkin usulda ýüzmekde iki gezek Olimpiýa çempiony boldy, Oýunlarda kümüş we bürünç medallaryň eýesi. Awstraliýaly türgen zenan 2019-njy ýylda 400 metr aralyga erkin usulda ýüzmekde, şeýle hem 4x200 metr aralyga erkin estafetada altyn medal gazanyp, üçünji gezek dünýä çempiony bolupdy.
