Golliwudyň aktýory Dueýn Jonson "Red One" (Gyzyl) filminde surata düşendigi üçin taryhda rekord dereje gonorary aldy. Sylag mukdary 50 mln dollar bolar diýip, The Direct habarlar saýty habar berýär. Soňky onýyllykda Jonson uly ekranda söweşli fimleriň ýokary derejeli ýyldyzlarynyň hataryna goşuldy, onuň filmleri bolsa dünýä prokatynda 12,5 mlrd dollardan gowrak ýygnady diýip, rbclife.ru belleýär.
Jonsonyň "Red One" üçin alýan gonorary diňe bir onuň kino karýerasynda iň ulusy bolman, eýsem islendik aktýor üçin, girdeji ýygymlardan gelýän soňky tölegleri hasaba almazdan, bir film üçin iň ýokary töleg bolar.
Deňeşdirmek üçin: öň aktýoryň kinodaky bir keşp üçin gazanan iň ýokary mukdary - bu "Jumanji: Täze dereje" we "Gyzyl duýduryş" üçin gonorarlar bolup, her birine gatnaşandygy üçin 23,5 mln dollar aldy.
Aktýoryň surata düşen beýleki filmleri oňa şeýle gonorar getirdi: "Forsaž: Hobbs we Şou" üçin $20 mln, "Jeňňel syýahaty" üçin $22 mln we "Gara Adam" üçin $22,5 mln. $50 mln bolan täze gonorary bilen Jonson öňki liderleri - "Ilkinji ar alyjy: Gapma-garşylyk" filmindäki işi üçin 40 mln dollar alan ýaş Robert Daunini we "Patyşa Riçardda" oýnandygy üçin şonça gazanan Uill Smiti yzda galdyrdy.
Neşir aktýorlar tarapyndan bir keşp üçin alnan beýleki iň ýokary gonorarlaryň sanawyny getirýär:
- Jonni Depp - "Karib deňziniň garakçylary: Täsin kenarlarda", $35 mln;
- Will Smit - "Azat ediş", $35 mln;
- Kianu Riwz - "Matrisa: täzeden ýükleýiş" / "Matrisa: Rewolýusiýa", her biri $30 mln;
- Mel Gibson - "Ölüm howply ýarag 4", $30 mln;
- Leonardo Di Kaprio - "Ýokaryk seretmäň", $30 mln;
- Leonardo Di Kaprio - "Gül Aýynyň ganhorlary", $30 mln;
- Arnold Şwarsenegger - "Terminator 3: Maşynlaryň gozgalaňy", $29,2 mln;
- Ýaş Robert Dauni - "Ar alyjylar: Final", $20 mln.
