Birinji tomus arakesmesinden soň, 4-nji awgustda üç sany futbol duşuşygy bilen Türkmenistanyň futbol boýunça Ýokary ligasynyň täze aýlawy badalga alar diýip, Türkmenistanyň Futbol Federasiýasy habar berdi.
Şol gün 9-njy tapgyryň çäklerinde «Köpetdag» «Şagadamy» kabul eder, «Merw» «Aşgabada» myhmançylyga gider, «Energetik» bolsa «Ahal» bilen duşuşar. 5-nji awgustda «Nebitçi» «Altyn Asyr» bilen oýnar.
Çempionatyň ikinji aýlawy 24-ni sentýabrça çenli dowam eder.
Belläp geçsek, Türkmenistanyň hasap boýunça 31-nji çempionaty üç aýlawda geçirilýär. Ýaryşa 9 klub gatnaşýar. Birinji aýlawyň netijeleri boýunça jedwelde Arkadag şäherinden adybir «Arkadag» kluby sekiz oýunda 24 utuk bilen öňdeligi eýeleýär. Ikinji orunda 18 utuk bilen Aşgabatdan «Altyn Asyr», üçünji orunda 16 utuk bilen Balkanabadyň «Nebitçisi» ýerleşdi.
