Şawkat Mirziýoýew anna güni Kanun çykaryjy palatanyň we Oliý Mažlis senatynyň (parlamentiň ýokarky we aşaky palatalary) bilelikdäki mejlisinde Özbegistanyň prezidenti wezipesine girişdi.
Report agentliginiň ýerli HBS-e salgylanyp habar bermegine görä, dabara başlamazdan öň parlamentiň ýokarky palatasynyň zalyna Özbegistanyň prezidentiniň ştandarty we nyşany getirildi.
Merkezi saýlaw komissiýasynyň başlygy Zaýniddin Nizamhojaýew 9-njy iýulda geçirilen möhletinden irki saýlawlarda Mirziýoýewiň döwlet baştutany hökmünde saýlanandygyny aýdyp, oňa Özbegistanyň prezidentiniň şahadatnamasyny gowşurdy.
Mirziýoýew elini Konstitusiýa we mukaddes Gurhana goýup, kasam kabul etdi.
Ýatlap geçsek, Özbegistanda möhletinden irki saýlawlar 9-njy iýulda geçirildi. Bu Konstitusiýa prezidentiň ygtyýarlylyk möhletiniň bäş ýyldan ýedi ýyla çenli uzaldylmagyny göz öňünde tutýan üýtgetmeler girizilenden soň ilkinji prezident saýlawlary boldy. Şawkat Mirziýoýewe saýlawçylaryň 87,05%-i ses berdi.
