ABŞ-nyň ÝUNESKO-nyň düzümine gaýdyp gelmek prosesi tamamlandy, Birleşen Ştatlar guramanyň 194-nji agza döwleti boldy. Bu barada ÝUNESKO-nyň metbugat gullugy tarapyndan ýaýradylan habarda aýdylýar diýip, TASS habar berýär.
"ABŞ-nyň ÝUNESKO gaýdyp gelmeginiň prosedurasy tamamlandy: Birleşen Ştatlar biziň guramamyzyň ýene-de resmi taýdan agza döwleti boldy" - diýip, ÝUNESKO-nyň baş müdiri Odre Azule aýdýar. Şeýlelik bilen, Azule "ÝUNESKO ýene-de uniwersallyga tarap hereket edýär" diýip hasaplaýar.
Guramanyň metbugat gullugynda 9-njy iýulda Azuleniň amerikan tarapy bilen telefon arkaly gürrüňdeşlik geçirendigi we onuň dowamynda oňa Waşingtonda ÝUNESKO-nyň düzgünnamasyny kabul etmek barada resminama gol çekilendiginiň habar berlendigi aýdylýar.
30-njy iýunda ÝUNESKO-nyň Baş konferensiýasynyň nobatdan daşary sessiýasyna gatnaşyjylar Waşington tarapyndan teklip edilen karzy kem-kemden tölemek şertlerinde ABŞ-nyň guramanyň düzümine gaýdyp gelmegi baradaky rezolýusiýany tassykladylar.
