«Ýewrowideniýe» halkara aýdym-saz bäsleşigi 2024-nji ýylyň maý aýynda Şwesiýanyň Malmýo şäherinde geçiriler. Bu barada guramaçylar habar berdi diýip, interfax.ru belleýär.
“Malmýo 2024-nji ýylyň maý aýynda geçiriljek 68-nji “Ýewrowideniýe” aýdym-saz bäsleşiginiň şäher guramaçysy saýlandy” – diýlip, bäsleşigiň resmi saýtynda ýerleşdirilen habarda aýdylýar.
Bellenilişi ýaly, Malmýonyň arenasynda bäsleşigiň grand-finaly şenbe güni, 11-nji maýda, ýarym finallar sişenbe güni, 7-nji maýda we penşenbe güni, 9-njy maýda geçiriler.
Malmýo bäsleşigi üçünji gezek kabul eder, öň ol bu ýerde 1992-nji we 2013-nji ýyllarda geçirildi. Şwesiýanyň özi bäsleşigi ýedinji gezek kabul eder: Malmýodan başga-da, “Ýewrowideniýe” 1975-nji, 2000-nji we 2016-njy ýyllarda Stokgolmda we 1985-nji ýylda Gýoteborgda geçirildi.
Şwesiýa bäsleşigi geçirmek hukugyny şu ýylyň maý aýynda aýdymçy Lorin “Tattoo” aýdymy bilen ýeňiji bolandan soň gazandy. Öň, Lorin 2012-nji ýylda “Euphoria” aýdymy bilen “Ýewrowideniýäniň” ýeňijisi bolupdy .
“Ýewrowideniýe” 1956-njy ýyldan bäri geçirilýär. 2015-nji ýyldan bäri bäsleşige Awstraliýa gatnaşýar.
