Arkadag şäheriniň gurluşygy boýunça döwlet komiteti we Arkadag şäheriniň häkimligi bilelikde şäheriň gurluşygynyň ikinji tapgyrynda desgalaryň taslamalaryny düzmek we gurmak boýunça bäsleşik yglan etdi. bäsleşik «Türkmenistan» gazetinde çap edildi.
Meýilnama laýyklykda, Arkadag şäheriniň ikinji tapgyrynda her biri 320 orunlyk 9 sany çagalar bagyny, her biri 720 orunlyk 5 sany umumybilim berýän mekdebi, bäş gatly, her biri 30 öýli 36 sany ýaşaýyş jaýyny, bäş gatly, her biri 40 öýli 36 sany ýaşaýyş jaýyny, ýedi gatly, her biri 42 öýli 24 sany ýaşaýyş jaýyny, dokuz gatly, her biri 54 öýli 14 sany ýaşaýyş jaýyny gurmak meýilleşdirilýär.
Gyzyklanma bildirýän taraplaryň haýyşnamalary we teklipleri şäheriň Arkadag şaýolunyň 30-njy jaýynda ýerleşýän Arkadag şäheriniň häkimliginiň edara binasynda 2023-nji ýylyň 18-nji awgustyna çenli kabul edilýär.
Habarlaşmak üçin telefon belgisi: +99312 52-55-71.
E-mail: adk@sanly.tm
