Stambulyň halkara howa menzili Ýewropanyň gür gatnawly awiamerkezi hökmünde ykrar edildi. Howa nawigasiýasynyň howpsuzlygy boýunça Ýewropa guramasynyň çarşenbe güni Türkiýäniň Ulag ministrligine salgylanyp berýän maglumatlaryna görä, ol her gün 1500-den gowrak gatnaw uçuşyny kabul edýär we ugradýar. Bu barada Report agentligi türk metbugatyna salgylanyp habar berýär.
Guramanyň hasabatynda bellenip geçilişi ýaly, 26-njy iýundan 2-nji iýul aralygynda Stambul howa menzilinde uçuş gatnawlarynyň iň köp sany günde 1525-e ýetdi, bu bolsa bir ýyl ozalkydan 14% köpdür. Iň ýüki ýetik ikinji howa menzili, geçen hepde bir günde iň köp uçuş sany 1370 bolan Amsterdam howa menzili boldy. Ondan soň iň köp uçuş sany 1350 bolan Şarl-de-Goll howa menzilidir.
