Şu gün, 4-nji iýulda Türkmenistanyň Prezidenti Serdar Berdimuhamedow Hindistanyň Premýer-ministri Narendra Modiniň çakylygy boýunça Şanhaý hyzmatdaşlyk guramasynyň agza döwletleriniň Baştutanlarynyň Geňeşiniň 23-nji mejlisine hormatly myhman hökmünde gatnaşdy diýip, Özbegistanyň Prezidentiniň Metbugat gullugy habar berýär.
Hindi tarapynyň ýolbaşçylyk etmeginde geçen çärä şeýle hem Gazagystanyň Prezidenti Kasym Žomart-Tokaýew, HHR-iň Başlygy Si Szinpin, Gyrgyz Respublikasynyň Prezidenti Sadyr Žaparow, Pakistan Yslam Respublikasynyň Premýer-ministri Şahbaz Şarif, RF-niň Prezidenti Wladimir Putin, Täjigistanyň Prezidenti Emomali Rahmon, şeýle hem ŞHG-niň Baş sekretary Çžan Min we ŞHG-niň Sebitleýin terrorçylyga garşy düzüminiň Ýerine ýetiriji komitetiniň direktory Ruslan Mirzaýew gatnaşdy.
Synçy döwletler hem-de hormatly myhmanlar hökmünde sammite EÝranyň Prezidenti Ibrahim Raisi, Belarusyň Prezidenti Aleksandr Lukaşenko, Mongoliýanyň Prezidenti Hurelsuh Uhnaagiýn, şeýle hem BMG-niň Baş sekretary Antoniu Guterriş we halkara guramalarynyň ýolbaşçylary gatnaşdy.
Sammitiň Gün tertibine laýyklykda, sebit we halkara tematikasy boýunça ileri tutulýan meseleler ara alnyp maslahatlaşyldy.
