FIFA saýtynda 29-njy iýunda milli ýygyndy toparlaryň sanawyny täzelendi. Täzelenen sanawda Türkmenistanyň milli ýygyndysy öňki — 6-njy apreldäki sanawdaky ýerinden bir setir aşak düşüp, 138-nji orny eýeledi. Häzirki wagtda milli ýygyndymyz 1089 utuk toplap, Malaýziýa bilen Ruandanyň arasynda ýerleşýär.
Argentina sanawda dünýäniň lideri bolmagyny dowam edýär. FIFA-nyň dünýä reýtinginde birinji orna dolanyp gelmeginden üç aý soň hem öňdeligini saklaýar. Ýakynda argentinalylar ýoldaşlyk duşuşygynda Awstraliýa bilen Indoneziýadan üstün çykdy.
Ilkinji üçlük üýtgemedi. Fransiýa 2-nji, Braziliýa 3-nji orunda ýerleşdi. Reýtingde iň uly pese gaçyş Uelsde (35-nji ýer, 9 ýer aşak) we Kot-d’Iwuarda (51-nji ýer, 6 ýer aşak) hasaba alyndy.
