Merkezi Aziýa futbol Assosiasiýalarynyň çempionatynyň (CAFA Nations Cup-2023) ikinji tapgyrynyň «A» toparyndaky Türkmenistan bilen Özbegistanyň milli ýygyndylarynyň arasyndaky duşuşyga täjikleriň «Futbol sport teleýaýlymynda göni ýaýlymda tomaşa edip bolar.
Telekompaniýanyň resmi saýtyndaky maglumatlara görä, ýaýlyma bermeklik 14-nji iýunda aşgabat wagty bilen 20:20-de başlanar. Oýnuň özi 20:30-da başlanar.
«Futbol» teleýaýlymy IPTV ulanyjylaryň ählisi üçin elýeterlidir.
Ýatlatsak, CAFA Nations Cup-2023-iň çäklerinde çempionat 10-20-nji iýun aralygynda Daşkentde we Bişkekde geçirilýär.
Ýaryşa Owganystanyň, EÝranyň, Gyrgyzystanyň, Omanyň, Täjigistanyň, Özbegistanyň we Türkmenistanyň milli ýygyndylary gatnaşýar.
CAFA Nations Cup 2023 ýaryşynda Türkmenistanyň duşuşyklarynyň tertibi:
14-nji iýun (çarşenbe)
- 20:30 / Türkmenistan – Özbegistan, «Bunýodkor» stadiony
17-nji iýun (şenbe)
- 18:30 / Türkmenistan – Oman, «Pahtakor» stadiony
