Kompaniýanyň web sahypasynda Samsungyň «kir ýuwulýan mahaly plastik mikrosüýümleriň zyňyndylaryny ep-esli azaltmaga» niýetlenen, kir ýuwýan maşynlar üçin daşky Less Microfiber süzgüjini çykarandygy habar berilýär.
Enjam kir ýuwlanda akýan hapa suwy süzýär. Kompaniýa süzgüjiň pyrlanýan perleriniň we ýörite torunyň egin-eşikden çykýan plastmassa bölejikleriniň 98% -e çenlisini saklap galýandygyny nygtaýar. Süzgüç bir ýylda takmynan sekiz sany 500 ml-lik plastik gaplaryň agramyna deň bolan bölejikleri tutup bilýär.
Süzgüç Samsung kir ýuwýan maşynlaryna we beýleki brendleriň önümlerine oturdylyp, işledilip bilner. Ol Koreýada we Angliýada eýýäm satuwa çykdy. Süzgüç beýleki ýurtlaryň dükan tekjelerinde ýylyň üçünji çärýeginde peýda bolar.
