Frame YouTube kanalynda Ýaponiýanyň Motomaçi şäherindäki Toyota zawodyna wideo gezelenç çap edildi. Bu zawodda GR Yaris hot-hetç — seriýa modeliniň iň güýçli nusgasy ýygnalýar.
Wideoda gurnama işini, kuzowyň kuwwat gurluşyny kebşirlemegiň başyndan başlap, taýýar ulagyň ýagtylyk tunelinde barlanylyşyna çenli jikme-jik görkezilýär.
Hot-hetçiň berk korpusynyň binýady ýokary takyk robotlar tarapyndan kebşirlenýär. Şeýle-de bolsa, kebşirlemäge degişli käbir ýerler elde amala aşyrylýar. Şeýle hem, korpusyň gurnama prosesinde käbir bölekleri birikdirmek üçin ulanylýan ýelim elde çalynýar: şeýtmek gurluşyň berkligini ýokarlandyrýar.
Ýygnamagyň esasy tapgyrlary hem elde amala aşyrylýar. Kompaniýa öň dünýäde iň meşhur hot-hetçiň önümçiligine iň ökde we tejribeli işgärleriň çekilýändigini aýdypdy.
Gurnama hatary boýunça uly bölekleri ondan-oňa geçirmek üçin pilotsyz awtomatiki arabalar ulanylýar. Elektrik enjamyny gurmak tapgyryna ýokary takyklykdaky göterijiler hem gatnaşýar. Ýagtylyk tuneli zawodyň işiniň soňky tapgyryna öwrülýär — bu ýerde boýag işleriniň hili barlanýar, şondan soň taýýar awtoulag ýöreýiş synagyna iberilýär.
