Keniýaly ýeňil atletikaçy Feýt Kipýegon Brilliant ligasynyň Parižde geçirilen tapgyrynda 5000 metr aralyga ylgamakda dünýä rekordyny goýdy. Bu barada rsport.ria.ru habar berýär.
Onuň görkezen netijesi 14 minut 5,20 sekunt boldy. Ol 2020-nji ýylyň 7-nji oktýabrynda efiopiýaly Letesenbet Gideý tarapyndan goýlan dünýä rekordyny (14.06,62) täzeledi.
Kipýegon 29 ýaşynda bolup, iki gezek Olimpiýa çempiony we iki gezek dünýä çempionydyr. Bir hepde mundan öň Brilliant ligasynyň Florensiýada geçirilen tapgyrynda ol 1500 m aralyga ylgamakda 3 minut 49,11 sekunt netije bilen dünýä rekordynyň eýesi boldy.
