«Belawia» belarus awiakompaniýasy awgust aýyndan başlap Türkmenbaşy şäheriniň halkara howa menziline uçuşlarynyň sanyny artdyrar. Minskiden Türkmenbaşa gatnawlar hepdede iki gezek — çarşenbe hem şenbe günleri amala aşyrylar diýip, awiakompaniýanyň metbugat gullugy habar berdi.
- Minskiden uçuş şenbe güni 20:00-da, Türkmenbaşyda gonuş 02:10-da;
- Türkmenbaşydan yzyna uçuş ýekşenbe güni 03:10-da, Minske gonuş 05:30-da.
Ýerli wagt görkezilen.
Awiakompaniýanyň uçuşlary Embraer E195 brazil howa gämilerinde ýerine ýetiriler. Bu howa gämileri 125 ýolagçy üçin niýetlenendir. Uçuşyň dowamlylygy dört sagatdan gowrak.
Awiakompaniýanyň ähli gatnawlary üçin biletleri «Belawianyň» Aşgabatdaky wekilhanasyndan satyn alyp bilersiňiz.
Salgysy: 2028-nji köçe, (A.Gowşudow), jaý 50/2, 2-nji gat («Teke bazar», «Ak Deňiz»bina, 2-nji gat).
«Belawianyň» saýtyndan biletleri onlaýn görnüşde hem satyn alyp bilersiňiz.
Goşmaça soraglar üçin: +99312926409.
