“Red Bull” toparynyň niderlandiýaly sürüjisi Maks Werstappen “Formula-1” çempionatynyň sekizinji tapgyry bolan Ispaniýanyň Gran-prisiniň ýeňijisi boldy. Ýaryş “Barselona-Katalunýa” awtodromynda geçirildi.
Poul-pozişnden bat alan Werstappen ýaryşyň iň gowy aýlawynyň hem eýesi boldy we karýerasynda üçünji “Uly tuwulgany” gazandy. Ikinji orny “Mersedesden” britaniýaly Lýuis Hemilton (+24,090 sekunt), üçünji orny onuň topardaşy we watandaşy Jorj Rassel (+32,389) eýeledi.
Ýaryşda utuk alanlaryň hatarynda şular hem bar:
4. Serhio Peres, “Red Bull”;
5. Karlos Saýns, “Ferrari”;
6. Lens Stroll, “Aston Martin”;
7. Fernando Alonso, “Aston Martin”;
8. Esteban Okon, “Alpin”;
9. Çžou Guanýuý, “Alfa Romeo”;
10. Pýer Gasli, “Alpin”.
Çempionatyň indiki tapgyry 16 – 18-nji iýunda Kanadada Žilýa Wilnýowa adyndaky awtodromda geçiriler.
