Bütindünýä Meteorologiýa Guramasynyň Baş sekretary wezipesini ilkinji gezek aýal eýelär

  • 04.06.2023 12:16
  • 9.3k+

Argentinadan professor Selesta Saulo Bütindünýä Meteorologiýa Guramasynyň (BMG) Baş sekretary bellendi. Ol bu wezipede ilkinji aýal bolar. Bu barada BMG-niň Habarlar merkezine salgylanyp, forbes.kz habar berýär.

Professor Saulo 2014-nji ýyldan bäri Argentinanyň Milli meteorologiýa gullugynyň müdiri wezipesini eýeleýär we häzirki wagtda BMG-niň birinji wise-prezidentidir. Ol 2024-nji ýylyň 1-nji ýanwarynda işe girişer we bu wezipede iki möhlet işlän professor Petteri Taalasyň ornuna geçer.
Professor Saulo dört ýyldan bir gezek geçirilýän BMG-niň ýokary direktiw organy bolan Bütindünýä Meteorologiýa Kongressiniň delegatlarynyň sesleriniň üçden iki bölegini alandan soň bellendi.
BMG-niň indiki prezidenti BAE-niň Milli Meteorologiýa merkeziniň baş müdiri, BAE-niň BMG-däki hemişelik wekili we BMG-niň Aziýa üçin Sebitleýin assosiasiýasynyň prezidenti doktor Abdulla al-Mandus bolar. Prezident saýlawlarynda ol sesleriň aglabasyny aldy.
Professor Saulo BMG bilen uzak wagtdan bäri hyzmatdaşlyk edýär. 2015-nji ýylyň iýun aýynda ol BMG-niň Ýerine ýetiriji geňeşiniň agzasy saýlandy. 2018-nji ýylyň aprel aýynda BMG-niň ikinji wise-prezidenti, 2019-njy ýylyň iýun aýynda birinji wise-prezidenti saýlanyp, bu wezipäni eýelän ilkinji aýal boldy. Ondan öň Saulo BMG-niň dürli ylmy hünärmen toparlarynyň agzasy boldy. Saulo 60-dan gowrak ylmy makalalaryň we kitaplaryň awtory ýa-da awtordaşydyr.


13.05.2025 18:45
3.2k+

Aşgabatda Howanyň üýtgemegi boýunça Merkezi Aziýa maslahaty geçirilýär

13-nji maýda «Ýyldyz» otelinde Howanyň üýtgemegi boýunça 7-nji Merkezi Aziýa maslahaty öz işine başlady. Maslahat «Türkmenistan: Howanyň üýtgemegi we ýaşyl geçiş» atly wideorolik bilen açyldy. Maslahatda Türkmenistanyň daşky gurşawy goramak ministri Ç...

05.04.2025 11:39
4.2k+

Serdar Berdimuhamedow Samarkant halkara klimat forumynda Türkmenistanyň başlangyçlaryny öňe sürdi

4-nji aprelde Prezident Serdar Berdimuhamedow Samarkantda geçirilen “Merkezi Aziýa ählumumy howa meseleleriniň öňünde: bilelikdäki abadançylyk üçin jebislik” atly halkara foruma gatnaşdy. Forum “Silk Road Samarkand”...

05.04.2025 08:58
6.6k+

Serdar Berdimuhamedowyň Samarkantda ählumumy howa meseleleri boýunça halkara forumdaky ÇYKYŞY

Hormatly Özbegistan Respublikasynyň Prezidenti! Hormatly Merkezi Aziýa döwletleriniň Baştutanlary hem-de Ýewropa Bileleşiginiň ýolbaşçylary! Howanyň üýtgemegi bilen bagly meseleler «Merkezi Aziýa — Ýewropa Bileleşigi»...

04.04.2025 17:09
5.8k+

Serdar Berdimuhamedow Samarkant halkara klimat forumyna gatnaşdy

«Merkezi Aziýa—Ýewropa Bileleşigi» görnüşindäki birinji sammitine gatnaşmak üçin Samarkanda gelen hormatly Prezidentimiz Serdar Berdimuhamedow şu gün bu ýerde geçirilýän «Merkezi Aziýa ählumumy klimat meseleleri...