Kanada dünýäde ilkinji bolup her çilimiň ýüzünde çilimkeşligiň zyýany baradaky duýduryşy çap edip başlar

  • 03.06.2023 09:15
  • 18k+

Kanadada satylýan her bir çilimiň ýüzüne çilim çekmegiň zyýany barada duýduryşly bellik ediler. Bu barada ýurduň Saglygy goraýyş ministrliginiň beýanatynda aýdylýar.

"Ýakyn wagtda Kanada saglyk duýduryşlarynyň hut her bir çilimde çap edilmegini talap edip başlar. Kanada bu çemeleşmäni dünýäde ilkinji ulanjak ýurt bolar" diýip, resminamada görkezilýär.

Bu üýtgeşme 2023-nji ýylyň 1-nji awgustyndan güýje girer. Temmäki önümlerine bellik etmegiň täze düzgünleri tapgyrlaýyn giriziler: ilki bilen şeýle duýduryşlar uly ölçegli çilimlerde peýda bolar we kanun 2025-nji ýylyň aprel aýynyň ahyryna çenli doly güýje girer.
Bu başlangyjyň maksady "çilimkeşlere çilimi taşlamaga kömek etmek, ýaşlary we temmäki ulanmaýan adamlary nikotine baglylykdan goramak we temmäkiniň özüne çekijiligini hasam peseltmek". Hökümet 2035-nji ýyla çenli ilatyň arasynda temmäkiniň sarp edilişini 5%-e çenli azaltmagy meýilleşdirýär. Temmäki önümleriniň häzirki sarp ediliş derejesi resminamada görkezilmeýär.
Saglygy goraýyş ministrligi Kanadada temmäki ulanmagyň täsiri sebäpli her ýyl 48 000 adamyň ýogalýandygyny aýtdy.


şu gün 00:48
1.5k+

Türkmenistanyň Döwlet lukmançylyk uniwersiteti Hazarýaka ýurtlarynyň uniwersitetleriniň assosiasiýasyna kabul edildi

Myrat Garryýew adyndaky Türkmenistanyň Döwlet lukmançylyk uniwersiteti Hazarýaka ýurtlarynyň uniwersitetleriniň we ylmy-barlag merkezleriniň assosiasiýasynyň resmi taýdan täze agzalygyna saýlandy. Bu barada "Türkmenistan: Altyn asyr" elektron neşiri habar berýär...

22.10.2025 14:21
3.7k+

LEGO toplumy 1 milliondan gowrak çaga MRT-den gorkusyny ýeňmäge kömek etdi

Daniýanyň meşhur oýnawaç öndürijisi bolan LEGO kompaniýasy özüniň «LEGO MRI Scanner» atly okuw toplumy arkaly dünýä boýunça 1 milliondan gowrak çaga MRT barlagyndan öň dörän gorkularyny ýeňmäge kömek edendigini mälim etdi...

12.10.2025 23:56
11k+

Kanadanyň suwlarynda rekord derejede uzynlykda erkek ak akula göründi

Kanadanyň kenarlarynda rekord ululykda erkek ak akula göründi diýip, CTV teleýaýlymy habar berdi. Ocearch gözleg guramasynyň maglumatlaryna görä, bu häzire çenli Atlantikde adam tarapyndan hasaba alnan bu görnüşiň iň uly wekili boldy...

30.09.2025 18:01
2.6k+

Alymlar berk sosial baglanyşyklar biologiki taýdan garramagy haýalladýar diýip hasaplaýarlar

Amerikaly barlagçylar ömrüň dowamynda berk sosial baglanyşyklaryň biologiki taýdan haýal garramak bilen baglanyşyklydygyny anykladylar. Bu barada "Brain, Behavior & Immunity - Health” žurnalyndaky makala salgylanýan PsyPost ýazýar...