«NUR» toý hyzmatlary ilkinji bolup toý hyzmatlary mobil goşundysyny döretdi we ähli hyzmatlarynyň suratyny bahasy bilen ýerleşdirdi

29.05.2023 16:53
23249

Toý-sadaka etmek isleýärsiňizmi? Emma toý hyzmatlaryna aýlanyp, olaryň hödürleýän hyzmatlary bilen ýekän-ýekän tanyşmaga mümkinçiligiňiz ýa wagtyňyz bolman biler. Bu ýagdaýda «NUR» toý hyzmatlary oturan ýeriňizden mobil goşundysyna girip, gerek bolan zadyňyzy bahasy bilen görüp, sargyt etmegi teklip edýär.

«NUR» toý hyzmatlary toý-sadakalary üçin gerek zatlaryň ählisini — menýularyň, çadyrlaryň, maşyn bezegleriniň, toý bezegleriniň görnüşlerini we başga-da ençeme zerurlyklary bir ýerden onlaýn sargyt etmäge müminçilik berýän ýurdumyzda ilkinji platformany döretdi. Indi islendik adam Play Market-den ýa-da AppStore-den «NUR toý hyzmatlary» mobil goşundysyny telefonyna ýükläp, şeýle hem www.nur-toy-hyzmatlary.com.tm saýtyna girip, özüne gerek hyzmatyň görnüşini saýlap, sargyt edip biler.

Nädip sargyt etmeli?
Munuň üçin www.nur-toy-hyzmatlary.com.tm saýtyna girip ýa-da Play Market-den/AppStore-den Nur toy hyzmatlary mobil goşundysyny telefonyňyza ýükläp alyp, registrasiýa bolmaly. Registrasiýa bolmak üçin diňe telefon belgiňizi girizmek ýeterlik.
Soňra toý-sadakaňyz üçin gerek bolan zatlary bir-birden görüp, göwnüňize ýaran görnüşini «Sebede goşuň» düwmesine basyp saýlamaly. Mysal üçin, «Çadyrlar» bölüminden çadyryň görnüşini — göçme, han, gümmez, euro, ak öýler, «Menýular» bölüminden menýunyň görnüşini — sadaka, agşam, agzaçar menýu, «Maşyn bezegleri bölüminden maşyn bezegini — gelnalyjy, agşam toý bezegi, çaga çykdy bezegleri, «Toý bezegleri» bölüminden toý bezeginiň görnüşini — Love Story, howly bezegi, restoran bezegi, podýezd bezegi, «Beýlekiler» bölüminden — türkmen milli eşiklerini, gap-gaçlary, kafe-barlary, bagşylar üçin sahnany, ofisiantlary we başgada islendik ownuk zada çenli saýlap bolar.
Gerek bolan zatlaryňyzy sebede goşanyňyzdan soň, «Sebet» bölümine girip, toý sadakany etjek senäňizi saýlamaly. Bu ýerde goşmaça günüň wagtyny hem saýlap bolýar — «günortan», «agşam», «günortan-agşam».
Ahyrynda «Sargyt etmek» düwmesine basmaly.
Soňra operator gysga wagtda müşderiniň sargydy boýunça onuň bilen jaňlaşar.