Owganystanyň Senagat we söwda ministrligi Mohammad Harun Saýedini Owganystanyň Aşgabatdaky ilçihanasynyň söwda attaşesi wezipesine belledi. Bu barada Khaama Press habarlar agentligi owgan ministrligine salgylanyp habar berýär.
Saýedi Owganystanyň Aşgabatdaky ilçihanasynyň söwda attaşesi hökmünde ýörite dabaranyň barşynda resmi taýdan tanyşdyryldy. Dabara Owganystanyň Türkmenistandaky ilçisiniň wezipesini ýerine ýetiriji Fazal Mohammad Sabir, şeýle hem birnäçe maýadarlar gatnaşdylar.
Owganystanyň Senagat we söwda ministrliginiň beýan etmegine görä, söwda attaşesi şeýle hem Pakistanda we Eýranda bellenildi. Ýakyn wagtda bu wezipäniň Stambulda hem bellenilmegine garaşylýar.
