Werstappen Monakonyň Gran-prisiniň ýeňijisi bolup, Fetteliň rekordyndan geçdi

  • 29.05.2023 15:18
  • 3.2k+

“Red Bull-yň” niderlandly sürüjisi Maks Werstappen “Formula-1” çempionatynyň ýedinji tapgyry bolan Monakonyň Gran-prisiniň ýeňijisi boldy. Bu ýeňiş Werstappen üçin “Formula-1-de” 39-njy boldy. “Red Bull” üçin ýeňişleri boýunça ol dört gezek dünýä çempiony germaniýaly Sebastýan Fettelden (38) öňe geçdi.

Ýaryşda ikinji orny “Aston Martinden” Fernando Alonso eýeledi. Ispaniýaly türgen üçin bu görkeziji häzirki möwsümde iň gowusy boldy.
Karýerasynda üçünji gezek fransiýaly Esteban Okon (“Alpin”) münbere çykdy, ol üçünji orny eýeledi. Şeýle-de, ilkinji onlukda şular bar: 4. Lýuis Hemilton (“Mersedes”); 5. Jorj Rassel (“Mersedes”); 6. Şarl Lekler (“Ferrari”); 7. Pýer Gasli (“Alpin”); 8. Karlos Saýns (“Ferrari”); 9. Lando Norris (“Maklaren”); 10. Oskar Piastri (“Maklaren”).
Werstappeniň hasabynda 144 utuk bar, onuň yzyndan topardaşy meksikaly Serhio Peres gelýär (105). Umumy sanawda üçünji orny “Aston Martinden” ispaniýaly Fernando Alonso (93) eýeleýär.


düýn 12:19
2k+

Piastri Niderlandlaryň Gran-prisinde ýeňiji boldy, Werstappen – ikinji

“Maklaren” toparynyň sürüjisi Oskar Piastri 31-nji awgustda Zandwortda geçen Niderlandlaryň Gran-prisinde ýeňiji boldy. Ikinji bolup pellehana “Red Bulldan” häzirki dünýä çempiony Maks Werstappen geldi. Üçünji orny “Reýsing Bulls” toparynyň wekili Isak Hajar eýeledi – onuň üçin bu karýerasynda münbere ilkinji gezek çykmagy boldy...

24.08.2025 15:09
16k+

Ronaldu "Al-Nasr" bilen ýene bir kubogy elden gidirdi, ýöne futbolçy täze rekord goýdy

Kriştianu Ronaldunyň çykyş edýän "Al-Nasr" futbol kluby Saud Arabystanynyň Superkubogynyň final oýnunda "Al-Ahliden" utuldy. Duşuşyk "Gonkong - So-Kon-Po" stadionynda geçirildi. Oýnuň esasy wagty deňme-deň - 2:2 hasabynda tamamlandy...

21.08.2025 16:32
8.4k+

44 ýaşly braziliýaly derwezeban futboldaky oýunlarynyň sany boýunça rekord goýdy

“Fluminenseniň” braziliýaly derwezebany Fabio professional futbolda gatnaşan oýunlarynyň sany boýunça rekord eýesi boldy. Onuň hasabynda indi 1391 oýun bar. 44 ýaşly futbolçy çarşenbe güni Günorta Amerika kubogynyň 1/8 finalynyň Kolumbiýanyň “Amerika De Kali” toparyna garşy oýnuna başlangyç düzümde çykdy...

15.08.2025 18:52
3.6k+

Dýuplantis karýerasynda 13-nji we tomusda 2-nji gezek rekordy täzeledi

Şwesiýaly şestli böküji Arman Dýuplantis Budapeştdäki Memorial Iştwan Dýulaýda täze dünýä rekordyny goýdy. Ol 6,29 metr beýiklikden geçdi. Bu onuň tomusda ikinji we karýerasynda 13-nji rekordy boldy. Iýul aýynda 25 ýaşly türgen Stokgolmdaky “Brilliant ligasy” tapgyrynda birinji synanyşykda 6,28 metr netijäni görkezdi...