27-nji maýda «Türkmenistan» kinokonsert merkezinde çagalar we ene-atalar üçin baýramçylyk çäresi geçiriler. Çagalary goramagyň halkara güni mynasybetli geçiriljek bu çärä isleg bildirýänleriň ählisi gatnaşyp biler. Bu barada Mahabat müdirliginiň saýty habar berdi.
Çäräniň dowamynda kitap önümleriniň sergisi we satuwy guralar. Şeýle hem arzan bahadan dokma önümleri, el işleri, sungat eserleri, robot oýnawaçlary hödürleniler, dürli görnüşli hödür-kerem ediler.
Türkmen Döwlet gurjak teatrynyň artistleriniň çykyşy guralar.
Multfilm şüweleňi hem-de kitap okamak boýunça bäsleşik geçiriler.
Çäräniň başlanýan wagty — 19:00.
Multfilm şüweleňinde ýeňiji bolan çagalara Gökdere çagalar sagaldyş merkezine mugt ýollamanama berler.
Kitap okamak bäsleşiginde ýeňiji bolan 3 sany çaga Awazadaky “Daýanç” çagalar sagaldyş merkezine mugt ýollamanama berler.
Çäräniň guramaçylary bolup çykyş edýän Türkmenistanyň Zenanlar birleşiginiň Merkezi Geňeşi bu çäräni eýýäm 2-nji gezek guraýar. Ilkinji gezek geçirilende ol halk köpçüliginde uly gyzyklanma döretdi.
Çäräniň çäklerinde geçiriljek söwda ýarmarkasynda öz önümlerini, el-işlerini satmak isleýänler şu telefon belgisi arkaly habarlaşyp bilerler: 493705
