Ispaniýanyň iri kompaniýalary öz işgärlerine emeli aň esasly ChatGPT çat-botuny ulanmak babatynda gadagançylyklar we çäklendirmeler girizip başladylar. Bu barada duşenbe güni El Mundo gazeti habar berdi.
Neşiriň habar bermegine görä, patyşalygyň iri kärhanalary maglumatyň daşyna çykmagy we ýalňyşlyklaryň bolmagy gorkusy sebäpli, ChatGPT-i ulanmagyň düzgünlerini işläp düzmäge howlukýarlar. Kompaniýalaryň biriniň öz işgärlerine iberen hatynda: "Bu guralyň kömegi bilen alnan maglumatlaryň ýalňyşlyklarynyň ýa-da nädogry bolmagynyň ähtimallygy ýokary" – diýilýändigini neşir belleýär.
Telefonica telekommunikasiýa kompaniýasy, ýurduň iň iri maliýe guramalarynyň biri bolan BBVA we Red Electrica işewürler topary öz işgärleriniň arasynda ChatGPT-i ulanmagy gadagan edendiklerini ýa-da çäklendirýändiklerini gazete tassykladylar. Beýleki birnäçe iri kompaniýalar öz işgärlerine şu we şuňa meňzeş gurallary ulanmak boýunça gözükdirmeleri iberdiler, beýleki birleri bolsa emeli aňyň howpsuz ulanylmagyny üpjün etmek üçin teswirnamalary işläp düzdüler ýa-da olaryň üstünde işleýärler.
