2023-nji ýylda iň gowy orta ölçegli krossowerleriň reýtingi düzüldi

  • 23.05.2023 19:13
  • 17k+
2023-nji ýylda iň gowy orta ölçegli krossowerleriň reýtingi düzüldi

Amerikanyň Kelley Blue Book awtoulag seljeriş gullugy üstümizdäki ýylyň iň gowy orta ölçegli 10 krossoweriniň sanawyny düzdi.

Kia Telluride Hyundai Santa Fe-den, Kia Sorento-dan, Toyota Highlander-den, Honda Pilot-dan we beýleki köp sanly modellerden öňe saýlanyp, birinji ýeri eýeledi.
Kelley Blue Book sekiz adama niýetlenen bu ulagy birnäçe ölçegler, şol sanda içiniň giňligi we amatlylygy boýunça iň gowusy diýip atlandyrdy. Awtoulagyň baha/hil gatnaşygy gowy. Ol ABŞ-da esasy bäsdeşlerinden has arzan - 35 890 dollar.
Şeýle hem Kia Telluride ýokary howpsuzlyk derejesi, ajaýyp podweskasy we 295 at güýji bolan 3,8 litrlik hereketlendirijisi bilen tapawutlanýar.
Kelley Blue Book-yň wersiýasy boýunça 2023-nji ýylyň iň oňat orta ölçegli 10 krossoweri şulardan ybarat:

  1. Kia Telluride
  2. Hyundai Santa Fe
  3. Kia Sorento
  4. Honda Pilot
  5. Hyundai Santa Fe Hybrid
  6. Kia Sorento Hybrid
  7. Hyundai Santa Fe Plug-In Hybrid
  8. Kia Sorento Plug-In Hybrid
  9. Subaru Outback
  10. Hyundai Palisade

Toyota Highlander bilen Toyota Highlander Hybrid, degişlilikde, 11-nji we 12-nji orny eýeledi.

Sürüp bolanok, ýöne diwary bezeýär: üýtgeşik Ferrari 250 Testa Rossa auksiona çykaryldy
şu gün 11:59
474

Sürüp bolanok, ýöne diwary bezeýär: üýtgeşik Ferrari 250 Testa Rossa auksiona çykaryldy

Collecting Cars internet platformasy adaty bolmadyk, öý üçin sungat eserini — meşhur Ferrari 250 Testa Rossa sport awtoulagynyň kuzowynyň kiçi nusgasy görnüşinde diwar heýkelini auksionda satýar. Auksionyň tamamlanmagyna 24 sagatdan az wagt galanda, onuň soralýan bahasy 9107 funt sterlinge (takmynan 11 600 dollar) deňdir...

Lexus UX krossoweriniň batareýaly görnüşiniň önümçiligini bes etdi
şu gün 11:53
273

Lexus UX krossoweriniň batareýaly görnüşiniň önümçiligini bes etdi

Lexus kompaniýasy özüniň UX krossoweriniň elektrik görnüşiniň önümçiligini we satuwyny togtatdy. Bu barada "Auto Express" neşiri brendiň Britaniýadaky bölüminiň tassyklamagyna salgylanyp habar berdi. Şonuň bilen birlikde, agzalan model baradaky maglumatlar Lexus-yň Ýewropa we Ýaponiýa üçin niýetlenen resmi internet çeşmelerinden hem aýryldy...

Lexus Hytaýda Maybach-yň äheňinde ES sedanynyň hoşlaşyk ýörite görnüşini hödürledi
düýn 18:08
5.7k+

Lexus Hytaýda Maybach-yň äheňinde ES sedanynyň hoşlaşyk ýörite görnüşini hödürledi

Lexus kompaniýasy Hytaý bazarynda ES sedanynyň «Moon Shadow» (Aý şuglasy) diýlip atlandyrylýan ýörite görnüşini tanyşdyrdy. Bu model, ilkinji nobatda, iki reňkdäki kuzowy bilen tapawutlanýar. Bu wersiýanyň çykarylmagy sedanyň häzirki nesliniň satuwynyň tamamlanmagy bilen baglanyşykly diýlip çaklanylýar...

Hyundai awtoulaglaryndaky nawigasiýa kartalarynyň täzelenmesini çaltlaşdyrar
düýn 11:57
1k+

Hyundai awtoulaglaryndaky nawigasiýa kartalarynyň täzelenmesini çaltlaşdyrar

Hyundai kompaniýasy awtoulaglardaky nawigasiýa kartalaryny ýüklemek ulgamyny döwrebaplaşdyrýar. Indi "Connected Car Navigation Cockpit" (ccNC) multimedia platformasy bolan awtoulaglar täzelenmeleri has çalt we awtomatiki usulda, sürüjiniň hiç hili gatnaşmagy gerekmezden alyp bilerler...