Ýaponiýanyň Toyota kompaniýasy Tacoma kysymly awtoulagyň täze dördünji neslini hödürledi. Bu barada brendiň metbugat gullugy habar berdi.
Täzeligiň TNGA-F bitewi platformada gurlandygy aýdylýar. Ulagyň dizaýnynda alýumin bölekleri ulanylypdyr. Hususan-da, yzky galdyrylýan bölegi bu metaldan ýasalan. Pikapyň dizaýny Kaliforniýanyň Calty studiýasy tarapyndan taslanylypdyr.
Alyja dolybahaly iki hatarly kabinaly (Double Cab), şeýle hem yzky oturgyçlaryň ýerine goş üçin meýdança ýerleşdirilen XtraCab atly wersiýa hödürlener. Salonda öňki panelde 12,3 dýuýmlyk duýgur ekranly multimediýa ulgamy bar. Sürüjiniň öňünde dört dilli köp funksiýaly rul we ýedi dýuýmlyk wirtual panel bar.
Esasy toplumlarynda Toyota Tacoma 278 at güýji öndürýän 2,4 litrlik dört silindrli turbo hereketlendirijisi bilen elýeterli bolar. Ýokarky wersiýasy elektrik hereketlendirijisi bilen üsti ýetiriljek şol bir turbo hereketlendirijisine esaslanýan gibrid elektrik stansiýasyny alar. Şeýle enjamyň umumy güýji 326 at güýji bolar. Herekete getiriji - yzky ýa-da doly.
ABŞ-yň bazarynda täze Toyota Tacoma 2023-nji ýylyň güýzünde peýda bolar.
