OpenAI penşenbe güni iOS enjamlary üçin emeli aň esasynda işleýän çat-bot programmasy bolan ChatGPT-iň işe başlandygyny habar berdi.
"Bu gün iOS üçin ChatGPT programmasyny işe girizýäris. ChatGPT programmasyny ulanmak mugt we ol taryhyňyzy ähli enjamlarda sinhronlaýar" –diýip, kompaniýa öz web sahypasyndaky beýanatynda ýazdy.
Programmanyň häzirki wagtda diňe ABŞ-ly ulanyjylar üçin elýeterli boljakdygy we soňra beýleki ýurtlarda peýda boljakdygy bellendi. Mundan başga-da, kompaniýa Android enjamlarynyň eýeleri üçin şuňa meňzeş önümiň çykarylandygyny habar berdi.
OpenAI kompaniýasynyň ChatGPT-ni 2022-nji ýylyň ahyrynda işe başlady. Hyzmat ulanyjy bilen gepleşik tertibinde aragatnaşyk saklaýar. Çat-bot goşmaça soraglara jogap berip, ýalňyşlyklaryny boýun alar, nädogry ýerlerine garşy çykyp we ýerliksiz haýyşlary ret edip biler. Hyzmatyň mümkinçilikleri köpçüligiň ünsüni özüne çekdi. Täzelik dürli ýurtlaryň talyplary tarapyndan synag tabşyrmak we akademiki resminamalary taýýarlamak üçin ulanylandan soň tankyt edildi.
