Sişenbe güni aktýor Maýks Duglasa 76-njy Kann kinofestiwalynyň “Altyn palma şahasy” gowşuryldy. Kinematografyň ösüşine goşan goşandy üçin baýragyň gowşurylyşy festiwalyň açylyş dabarasynda boldy. Dabara TF1 teleýaýlymynda ýaýlyma berildi diýip, TASS habar berýär.
“Bu baýrak we ýakymly sözler üçin minnetdarlyk bildirýärin. Dünýäde ýüzlerçe festiwal bar, ýöne diňe birje Kann bar. Bu festiwala 76 ýyl boldy, ýöne maňa ondanam kän” – diýip, sentýabr aýynda 79 ýaşyny doldurýan aktýor degişdi.
Duglas kinofestiwala aýaly Ketrin Zeta-Jons we gyzy Keris bilen bilelikde geldi. Karýerasynyň dowamynda Duglas 70-den gowrak kinokartinada surata düşdi we iki “Oskar” baýragynyň, alty “Altyn globusyň”, şeýle-de Emmy baýragynyň eýesi boldy. 2018-nji ýylyň noýabr aýynda şou-biznesde 50 ýyllygy mynasybetli aktýor Kaliforniýa ştatynyň Los-Anjeles şäherindäki Golliwudyň Şöhrat alleýasynda atly ýyldyza eýe boldy.
