Türkmenistanyň Prezidenti Serdar Berdimuhamedow 9-njy maýda Moskwada Ýeňiş güni mynasybetli dabaraly harby ýörişe gatnaşmak barada çakylygy kabul etdi diýip, TASS agentligi diplomatik çeşmesine salgylanyp habar berýär.
«Onuň irden gelmegine garaşylýar», — diýip, agentligiň çeşmesi takyklady.
Ýörişe gatnaşmak üçin şeýle hem Gazagystanyň Prezidenti Tokaýew, Gyrgyzystanyň Prezidenti Žaparow, Täjigistanyň Prezidenti Rahmon, Özbegistanyň Prezidenti Mirziýoýew, Belarusuň Prezidenti Lukaşenko, Ermenistanyň Premýer-ministri Paşinýan razylygyny berdi.
Ýeňiş ýörişine 10 müňden gowrak adam we 125 sany harby tehnika gatnaşar. Ýörişi aşgabat wagty bilen 12:00-da başlamak meýilleşdirilýär.
Wladimir Putin daşary ýurt Liderleri bilen Näbelli esgeriň ýadygärligine gül goýmak dabarasyna gatnaşar we resmi däl ertirlik geçirer.
