7-nji maýda Nýuarkda (ABŞ) UFC 288 ýaryşynyň nobatdaky tutluşygynda amerikaly Belal Muhammed braziliýaly Gilbert Býorns bilen duşuşdy.
Ýarym orta agram derejesinde geçen tutluşyk bäş raundlap dowam edip, eminleriň biragyzdan karary bilen Belal Muhammediň ýeňşi bilen tamamlandy (50-45, 49-46, 49-46).
Amerikaly türgeniň hasabynda professional karýerasynda indi 23 ýeňiş we üç ýeňliş bar. Býornsyň hasabynda bolsa 22 ýeňiş we alty ýeňliş bar.
Belal Muhammed bilen Gilbert Býorns söweşi gyssagarada kabul etmeli boldular, çünki ilkibaşdaky meýilleşdirilen Beneil Dariuş — Çarlz Oliweýra tutluşygy ýaryş başlamazdan öň ýatyryldy.
