Futbol assosiasiýalarynyň halkara federasiýasynyň (FIFA) prezidenti Janni Infantino şu gün iş sapary bilen Aşgabada geldi. Aşgabadyň Halkara howa menzilinde FIFA-nyň ýolbaşçysyny Türkmenistanyň Futbol federasiýasynyň ýolbaşçylary garşy aldy.
Bir günlük iş saparynyň barşynda Infantino ýurduň we milli futbol federasiýanyň ýolbaşçylary bilen duşuşar hem-de futboly ösdürmek boýunça hyzmatdaşlyk meselelerini maslahatlaşar.
Bu sapar FIFA-nyň ýolbaşçysynyň Türkmenistana ilkinji saparydyr.
2-nji maýda Infantino Täjigistanda, 3-nji maýda bolsa Gazagystanda iş sapary bilen boldy we bu ýurtlaryň Prezidentleri bilen duşuşdy. 4-5-nji maýda onuň Gyrgyzystana, 5-6-njy maýda bolsa Özbegistana saparlary meýilleşdirilýär.
