Ýakynda Toyota kompaniýasy gibrid ulaglarda tizligi mehaniki usulda geçirmäge mümkinçilik berýän ulgam üçin patent arzasyny berdi. Ulgam içerki ýangyç hereketlendirijisiniň, elektrik hereketlendirijiniň we tizligi geçiriş korobkasynyň özara täsirleşmelerini dolandyrar. Patent 2021-nji ýylyň awgust aýynda berlen hem bolsa, diňe fewral aýynda neşir edildi. Patentiň esasy maksady ssepleniýanyň dolandyrylyşyna gönükdirilendir.
Örän çylşyrymly geçirişde birnäçe ssepleniýe silindrli gatnaw klapany bar. Bular öz gezeginde ssepleniýe pedalyna we elektron dolandyryş bölümine (ECU) birikdiriler. Bu sürüjä elde geçirişi ulanýan ýaly, geçirişi saýlamaga mümkinçilik berer. Birleşdiriji awtoulaga içerki ýangyç hereketlendirijisi bilen elektrik hereketlendirijisiniň ondan-oňa rahat geçmeginde kömek eder. Awtoulag batly gelip saklananda ýa-da ýöräp ugranda, zerur wagty elektrik motoryny işletmek üçin, kompýuter birleşdirijini işledip we netijeli gysyp biler.
Şeýle hem, patent sürüş režimine ygtyýar berýär, şonda kompýuter doly öçýär, transmissiýa bolsa diňe birleşdiriji pedala birigýär.
