Türkmenistanyň Futbol federasiýasynyň başlygy Arslan Aýnazarow Merkezi Aziýa futbol assosiasiýalarynyň (CAFA) wise-prezidenti wezipesine saýlandy. Guramanyň täze ýolbaşçylar düzümi Duşenbe şäherinde 2-nji maýda geçen CAFA-nyň 8-nji mejlisinde saýlandy diýip, Täjigistanyň Futbol federasiýasynyň saýty habar berýär.
CAFA-nyň ikinji wise-prezidenti wezipesine Owganystanyň Futbol federasiýasynyň prezidenti Mohammed Ýusuf Korgar saýlandy.
Täjigistanyň Futbol federasiýasynyň prezidenti Rustami Emomali bolsa gaýtadan dört ýyllyk möhlete CAFA-nyň prezidenti wezipesine saýlandy.
CAFA-nyň Ýerine ýetiriji geňeşiniň täze düzümine şeýle hem Eýranyň Futbol federasiýasynyň baş sekretary Hedaýat Mombeni hem girdi.
Gyrgyz Futbol bileleşiginiň wise-prezidenti Dastanbek Konokbaýew Merkezi Aziýa futbol assosiasiýalaryndan Aziýa futbol konfederasiýasynyň Ýerine ýetiriji geňeşiniň agzasy boldy.
