Ýekşenbe güni Ýerde güýçli magnit tupany hasaba alyndy. Bu barada Amaly geofizika institutynyň materiallaryna salgylanyp, TASS habar berýär.
Kosmos howa gözegçiliginiň maglumatlaryna görä, düýn planetamyzyň magnit meýdanynyň bozulma derejesi G5-iň adatdan daşary güýçlüdigini, G1-iň gowşakdygyny görkezýän bäş görkezijiden ybarat şkala boýunça G3 boldy. Ýekşenbe güni gijräk ol G4-e çenli ýokary galdy diýip, agentlik belleýär.
Şeýle dereje aragatnaşyk päsgelçiliklerinden başga-da, radio aragatnaşygynda, hemra we radio ýygylygy nawigasiýasynda hem näsazlyklaryň bolup biljekdigini göz öňünde tutýar.
Magnit tupanlary Gündäki partlamalar netijesinde ýüze çykýan Ýeriň magnit meýdanynyň güýçli bozulmalarydyr. Olar birnäçe sagatdan birnäçe güne çenli dowam edip, hemra we Ýerdäki beýleki tehnologiýalara, şeýle-de adamlaryň ömrüne we saglygyna täsir edip bilýär. Magnit hadysasy döwründe adamlarda gan basyşy bilen bagly näsazlyklar, ukusyzlyk, tahikardiýa, migren ýüze çykyp biler.
