Garyşyk stiliň amerikaly söweşijisi Belal Muhammad Braziliýanyň wekili Gilbert Býorns bilen söweşer. Bu barada UFC-niň metbugat gullugy habar berýär diýip, sovsport.ru belleýär.
Ýarym orta agramda status söweşi ABŞ-nyň Nýu-Jersi ştatynda geçiriljek UFC 288 turniriniň esasy söweşleriniň biri bolar. Ol 7-nji maýda geçiriler.
Ýatlap geçsek, ilkibaşda agşamyň esasy wakalarynyň birinde Çarlz Oliweýra bilen Beneil Dariuş duşuşmalydy, ýöne braziliýaly söweşiji şikes alyp, söweşden çekildi.
Muhammad barada aýdylanda, ol dört söweş bäri ýeňilmän gelýär. Býorns soňky dört söweşiniň üçüsinde ýeňiş gazandy, ol diňe Hamzat Çimaýewden ýeňildi.
