“Forsaž” filminiň baş keşpleri Win Dizel bilen Jeýson Momoanyň ýerine ýetirmeginde onunjy bölümini döredijiler onuň täze treýlerini çykardylar. Bu barada rbclife.ru habar berýär.
Täze filmiň sýužeti Win Dizeliň ýerine ýetirmeginde Dominiko Torettonyň maşgalasy bilen ýaramaz Danteniň arasyndaky gapma-garşylygyň töwereginde ýaýbaňlanar. Danteniň keşbini Jeýson Momoa ýerine ýetirdi. Ol kakasy ölenden soň duşmanlardan ar almaga synanyşar, ýöne bu aňsat bolmaz. “Men siziň maşgalaňyzy böleklere dargatjak adam” – diýip, treýlerde Momoanyň keşbi aýdýar.
Ýerleşdirilen kadrlarda franşizanyň aýrylmaz alamatlaryna öwrülen köp sanly gapma-garşylygy, ýaraglary, ot we awtoulaglary görmek bolýar.
Filmiň režissýory Lui Letterýe (“Aldaw illýuziýasy”, “Titanlaryň söweşi”, “Täsin Halk”) boldy, ssenariýalary öň “Forsažyň” bäşinji bölümini we “Söweş” dramasyny döretmegiň üstünde işlän Jastin Lin ýazdy. Prodýuser bolup baş keşbi ýerine ýetiriji Win Dizel çykyş etdi, oňa Jeffri Kirşenbaum kömek etdi.
Filmiň surata düşürilişine Helen Mirren, Şarliz Teron, Jeýson Steýtem, Jon Sina we Bri Larson gatnaşdy. Franşizanyň onunjy bölümi 2023-nji ýylyň 17-nji maýynda prokata çykar.
