“Forsaž 7” filminden belli bolan “Fast Attack” baggisiniň täze eýesi peýda boldy. Jeýson Stethemiň süren ulagy Bring a Trailer portalynda geçirilen auksionda 40 750 dollara satyldy.
“Ýörite surata düşüriş üçin gurlan alty ulagyň biri bolan bu özboluşly awtomobil kuwwatly 6,2 litrlik LS3 V8 hereketlendirijisi, üç basgançakly awtomatik guty we Sway-A-Way amortizatorlary bilen köp ryçagly asgyç (podweska) bilen enjamlaşdyryldy” – diýip, çeşme habar berýär.
Şeýle-de, baggi 33 dýuýmlyk tekerler bilen 17 dýuýmlyk tigirlere hem-de dört tigiriň hemmesinde Wilwood disk tormozyna eýe boldy.
Çal reňkli aýna plastikden ýasalan kuzow alýumin panelleri bilen güýçlendirildi. Mundan başga-da, turba görnüşli radiator goragy, aýryp bolýan hereketlendiriji gapagy, pleksiglasdan aýnalar we howa alýan gurluş bar. Içinde howpsuzlyk karkasy, kowş görnüşli MasterCraft oturgyjy, Sparco ruly we beýlekiler bar. Rahatlyk üçin öwrüm görkezijiler, stop-signallar we yşyk zolaklary goşuldy.
Ulagyň soňky eýesi ähli suwuklyklary täzeledi. Ulagyň geçen menzili belli däl.
