«Ýuwentusa» 15 utugy gaýtarylyp berildi. Klub ýedinjiden üçünji ýere çykdy

  • 21.04.2023 11:44
  • 21k+

Italiýanyň Milli olimpiýa komiteti «Ýuwentusyň» apellýasiýasyny kanagatlandyrdy. Turinli kluba öň jerime alnan 15 utugy yzyna gaýtarylyp berildi.

Ýanwar aýynda «Ýuwentus» Futbol federasiýasy tarapyndan maliýe kezzaplygynda aýyplanyp, 15 utukdan mahrum edildi. Bu temmi çäresi A Seriýanyň iň meşhur klubuny çempionatyň jedwelinde orta zyňdy.
Emma turinliler karary Milli olimpiýa komitetde öz bähbidine çözmegi başardylar. Olaryň arzasy kanagatlandyryldy diýip, TASS agentligi habar berýär. Öňki wise-prezident Pawel Nedwedden diskwalifikasiýa aýryldy. Klubuň öňki prezidenti Andrea Anelliniň arzasy kanagatlandyrylmady.
15 utugy gaýtarylyp berlenden soň, «Ýuwentus» çempionatda ýedinji ýerden üçünji ýere çykdy. Klubuň hasabynda 30 tapgyrdan soň, 59 utuk bar. Şeýlelikde, «Ýuwentus» indiki möwsüm üçin Çempionlar ligasynyň toparlaýyn tapgyryna çykmaga mümkinçilik berýän ýere düşdi. Turinli klub ikinji barýan «Lasiodan» iki utuk, birinji barýan «Napoliden» 16 utuk yza galýar.


düýn 18:05
4.1k+

“Barselona”, “Real”, “Atletik” we “Atletiko” Jiddada Ispaniýanyň Superkubogynda oýnar

2026-njy ýylyň ýanwarynda futbol boýunça Ispaniýanyň Superkubogy ýene-de Saud Arabystanynda geçer. Bu barada Ispaniýanyň patyşalyk futbol federasiýasy (RFEF) habar berdi. Ýaryş Saud Arabystanynyň çäginde altynjy gezek geçiriler...

düýn 12:00
5.7k+

Çempionlar ligasy: «Galatasaraý» «Liwerpuly» utdy, «Kaýrat» bolsa «Reala» garşy durup başarmady

30-njy sentýabrda we 1-nji oktýabra geçilýän gije UEFA Çempionlar ligasynyň toparlaýyn tapgyrynyň ikinji aýlawynyň ilkinji duşuşyklary geçirildi. Stambulda «Galatasaraý» «Liwerpuldan» üstün çykdy, Kilian Mbappe het-trik bilen «Reala» ýeňiş getirdi...

düýn 11:37
4.4k+

AFK-2 Çempionlar ligasynda «Ahal» «Al-Husseýnden» utulyp, С toparda utuksyz galdy

30-njy sentýabrda Arkadag şäheriniň stadionynda Türkmenistanyň «Ahal» futbol kluby AFK-2 Çempionlar ligasynyň toparçalaýyn bäsleşiginiň ikinji tapgyrynda Iordaniýanyň çempiony «Al-Husseýn» bilen duşuşdy. Oýun myhmanlaryň peýdasyna 1:4 hasabynda tamamlandy...

30.09.2025 22:53
7.3k+

“Milanyň” we “Interiň” öý stadiony ýykylar

Milanyň şäher geňeşi “San-Siro” stadionynyň ýerli “Inter” we “Milan” futbol klublaryna satylmagyny tassyklady. Bu barada La Gazzetta dello Sport habar berýär. Çözgüt 30-njy sentýabra geçilen gijede bolan mejlisde kabul edildi, şertnamanyň bahasy 197 mln ýewro boldy...