«Çelsi» Ýulian Nagelsmanny baş tälimçi wezipesine bellemek barada nemes hünärmeni bilen gepleşiklere başlady.
«The Times» gazetiniň habaryna görä, klubuň sport ýolbaşçylygynyň wekilleri penşenbe güni «Bawariýanyň» öňki tälimçisi bilen duşuşyk geçirdi.
Nagelsmanyň bähbitlerine wekilçilik edýän Sports360 agentligi «Çelsi» bilen duşuşygyň dowamynda tälimçiniň wezipä bellenen halatynda klubuň uzak möhletli meýilnamalaryny we Ýulianyň ygtyýarlyklaryny anyklamak isledi.
Şol bir wagtyň özünde, “Çelsi” dalaşgärler bilen baglanyşykly entek hiç hili karara gelmändirler. Gysga sanawda häzir ýedi tälimçi bar we dolandyryjylar ilki hemme zady seljermek we diňe şondan soň klub eýelerine soňky maslahatlary bermek isleýärler.
Mümkin bolan dalaşgärleriň arasynda Luis Enrike, Maurisio Poçettino, Luçano Spalletti (“Napoli”), Ruben Amorim (“Sporting”), Wensan Kompani (“Bernli”), Abel Ferreýra (Palmeýras) bar.
