Günorta Koreýanyň «Blackpink» pop toparynyň agzalary YouTube-da iň meşhur sazanda boldular. Hypebae-iň maglumatlaryna görä, 2016-njy ýylda toparyň döredilen gününden bäri onuň wideo platformasynda 30,1 milliard tomaşa toplandy.
Şeýle hem bu toparyň abunaçylarynyň sany iň köpi - 86,6 million sany. Şeýlelikde, «Blackpink» 13 ýyl bäri YouTube-da iň halanýan aýdymçy bolan kanadaly pop ýyldyz Jastin Biberi birinji ýerden düşürdi. Meşhurlygy boýunça üçünji ýeri Ed Şiran eýeledi.
Abunaçylarynyň sany boýunça ikinji orny Koreýanyň BTS topary (74,2 million), üçünji orny Jastin Biber (71,2 million) eýeleýär.
2022-nji ýylyň awgust aýynda «Blackpink» bir günde 86,2 million gezek tomaşa edilen we 2022-nji ýylda ähli wideolaryň arasynda rekord goýan “Pink Venom” aýdymyna wideo çykardy. Pink Venom indi YouTube-yň taryhynda ilkinji 24 sagadyň dowamynda iň köp görlen üçünji wideodyr. Dördünji ýeri olaryň "How You Like That" atly wideosy, bäşinji ýeri Ice Cream, ýedinji ýeri bolsa Lisanyň ýekelikdäki klipi bolan LALISA eýeledi.
