MBA-nyň alty gezek çempiony Maýkl Jordanyň 1998-nji ýylda karýerasyndaky iň soňky çempionatyň finalynda geýen sport aýakgaby auksionda rekord derejeli 2,2 mln dollara satyldy. Bu barada Sotheby’s auksion öýüniň sahypasyna salgylanyp, rsport.ria.ru habar berýär.
“Çikago Bullz” üçin çykyş eden Jordan bu Air Jordan 13 krossowkasyny MBA-nyň pleý-offunyň finalynyň “Ýuta Jaza” garşy ikinji oýnunda geýdi. Bu gapma-garşylygyň wakalary esasynda “Iň soňky tans” atly dokumental film hem surata düşürildi.
AFP-niň habar berşi ýaly, bu mukdar auksionlarda sport aýakgabynyň satyn alynmagyna sarp edilen rekord mukdar boldy. Öň hem şeýle üstünlik Jordana degişlidi, 2021-nji ýylda basketbolçynyň başga bir krossowkasy 1,4 mln dollara satyldy. Jordan iň gymmat maýka rekordyny hem saklaýar (10,1 mln dollar, 2022-nji ýylyň sentýabry).
2003-nji ýylda karýerasyny tamamlan Jordan “Çikagonyň” düzüminde MBA-nyň alty gezek çempiony we ABŞ-nyň milli ýygyndysynyň düzüminde iki gezek Olimpiýa çempionydyr (1984, 1992).
