Halkara pul gaznasy (HPG) ählumumy jemi içerki önümiň ösüşi baradaky çaklamasyny 2023-nji ýylda 2,8% -e, 2024-nji ýylda 3% -e çenli peseltdi. Bu barada sişenbe güni gaznanyň dünýä ykdysadyýetiniň ösüşiniň geljegi barada çap eden hasabatynda aýdylýar diýip, TASS habar berýär.
HPG-niň we Bütindünýä bankynyň dolandyryş edaralarynyň ýazky mejlisinde hödürlenen resminamada: "Soňky çaklamalarymyza görä, ählumumy ykdysady ösüşiň depgini şu ýyl 2,8% bolar we 2024-nji ýylda birneme 3% -e çenli ýokarlanar" diýilýär. Şu ýyl ählumumy jemi içerki önümiň ösüşi baradaky ýanwar çaklamasy 0,1 göterim peseldi. Geljek ýyl bu görkezijiniň ýokarlanmagy baradaky çaklama hem 0,1 göterim pukt ýokarlanýar.
HPG-niň baş ykdysatçysy Pýer-Oliwýe Gurinşanyň bankyň saýtyndaky blogynda belläp geçişi ýaly: "Bu ýyl ykdysady ösüş, esasan, ösen ýurtlarda, aýratynam ýewro zolagynda we Angliýada jemlendi". Gaznanyň hasaplamalaryna görä, dünýä ykdysadyýetine abanýan töwekgelçilikler ýokary hümmetsizlenmäniň garaşylandan has uzak dowam etmegi bilen baglanyşyklydyr. Mundan başga-da, bu howp "bank ulgamyndaky soňky durnuksyzlyk" sebäpli "ählumumy maliýe şertlerine talabyň garaşylandan has dowamly berkemeginiň" mümkindigi bilen baglanyşykly.
Hasabatda: "Soňky üç ýylda pandemiýa we ykdysady sarsgynlar sebäpli köp ýurtlarda hususy we döwlet karzy onlarça ýyl bäri görülmedik derejä ýetdi hem-de ol ýokary derejede bolmagynda galýar" diýip nygtalýar.
