ABŞ-dan Perl lakamly iki ýaşly çihuahua resmi taýdan dünýädäki iň kiçijik it diýlip ykrar edildi. Onuň boýy bary-ýogy 9,14 sm, ýagny ol, mysal üçin, eskimonyň çöpjagazyndan hem kiçidir diýip, moya-planeta.ru belleýär.
Itiň uzynlygy 12,7 sm bolup, bu, takmynan, kagyz dollarynyň ölçegi bilen deňdir. Perliň agramy 553 g. Ginnesiň rekordlar kitaby çihuahuanyň rekordyny tassyklady. Gyzykly ýeri, ol 2020-nji ýylda – Perl dünýä inmezinden öň ölen öňki rekord eýesi Mirakl Milliniň (9,65 sm) garyndaşydyr.
Itiň eýesiniň aýtmagyna görä, Perl gymmat iýmitleri iýmegi, “owadan geýinmegi” gowy görýär. Ýakynda bolsa, ol eýesi bilen Milandaky dükanlara-da aýlandy. Şol bir wagtyň özünde onuň rahat häsiýeti bar.
