Microsoft kompaniýasy meşhur OS wersiýalarynyň birine goldawyň ýakyn wagtda bes ediljekdigi barada Windows 10-nyň ulanyjylaryna habar iberip başlady. Bu barada Neowin portaly tarapyndan habar berilýär.
Gürrüň Windows 10 21H2 barada barýar - Windows 10 Home, Pro, Pro Education we Pro for Workstations indi 2023-nji ýylyň 13-nji iýunyndan resmi täzelenmeleri almaz. Bu wersiýalar üçin iň soňky täzelenme iýun aýynda hem çykar.
Şeýle hem, bu Windows 10-da ýokarda agzalan üýtgeşmeleriň häzirki kiber howplardan goranmak bilen aýlyk howpsuzlyk maglumatlaryny almajakdygyny aňladýar. Microsoft bu ulgamlary ulanýanlary, hakerleriň potensial pidasy bolmazlyk we ähli maglumatlaryňy saklamak üçin, derrew Windows 10-yň ýa-da Windows 11-iň täze wersiýalaryna geçmäge çagyrdy.
2023-nji ýylyň mart aýynda Windows 11-iň kompýuter ulanyjylarynyň paýynyň 20% -den geçendigi mälimdir. Şol bir wagtyň özünde, Windows 10 Microsoft-yň müşderileriniň arasynda iň meşhurlygyna galýar - häzirki wagtda kompýuter eýeleriniň 73,5% -i ony ulanýar.
