2022-nji ýylda dünýäde azyk önümleriniň bahasy, 2021-nji ýyl bilen deňeşdirilende 18%, dökünleriň bahasy 63% ýokarlandy.
Bu san maglumaty Bütindünýä Söwda Guramasynyň (BSG) hasabatyndan gelip çykýar diýip, Report belleýär.
"Azyklaryň bahalary 2022-nji ýylyň dowamynda güýçli üýtgäp durmak bilen, ýanwar-maý aýlarynda 19% ýokarlandy, soňra maý-dekabr aýlarynda 15% aşaklady. Bir ýylyň dowamynda azyk önümleriniň bahasy, 2021-nji ýyl bilen deňeşdirilende, 18% gymmatlady, şol sanda gallanyň bahasy 21% ýokarlandy" - diýip, hasabatda aýdylýar.
Şeýlelik bilen, dökünleriň bahasy ýylyň dowamynda hasam ýokarlandy - 63%.
Gurama azyk önümleriniň bahasynyň ýokarlanmagynyň oba hojalygynyň önümçiliginiň ösmegine itergi bermelidigini aýtdy. Bu bolsa öz gezeginde azyk önümleriniň elýeterliligini ýokarlandyrmaly we bahalaryň arzanlamagyna sebäp bolmaly.
"Beýleki tarapdan, işläp bejerilýän ekin meýdanlarynyň azalmagy we dökünleriň gymmatlygy hasyllylygyň peselmegine we bahalaryň ýokarlanmagyna sebäp bolup biler" - diýip, BSG nygtaýar.
